Një çerek shekulli pas ndeshjes së tyre të paharrueshme në Europianin e 96-ës, hera e fundit që janë ndeshur bashkë, kur magjia e Pol Gaskonj i dha Anglisë fitoren, ‘Auld Enemy’ “armiqtë e vjetër” takohen sonte përsëri. Tre Luanët vijnë si favoritë të fortë pasi mundën Kroacinë në ndeshjen e tyre të parë, por përballja më e vjetër mes dy kombëtaresh në botë, Angli-Skoci, shpesh nxjerr më të mirën nga Skocia, e cila kishte shanset e saj në grup por pas takimit me Republikën Çeke të hënën tani ka “pak shanse” sipas mesfushorit Xhon MekGin.
Djemtë e Gareth Sauthgejtit dhanë shpresa për një tjetër verë të paharrueshme me fitoren e tyre të parë ndaj Kroacisë. Me shtatë fitore radhazi, nëse fiton sonte të 8-ën, Anglia do të sigurojë një vend në fazën e eleminimit direkt. Skocia do të jetë një sfidë e ‘mprehtë’, por përzierja fituese e energjisë dhe vetëkontrollit të Anglisë të dielën paralajmëron gjëra të mira në horizont për ‘tri luanët’ edhe pse Southgate sigurisht që shpreson që ata të mund të gjejnë atë prekjen e fundit kundër rivalëve të tyre të vjetër.
Gareth Sauthgejt: “(Ndeshja) Është jashtëzakonisht e veçantë për të gjithë ne të përfshirët, dhe posaçërisht për tifozët e të dy kombëtareve. Kështu që i jep një dinamikë tjetër grupit në të cilin jemi, nuk ka diskutim për këtë. Por e mira është, nga këndvështrimi ynë që na u desh të vinim në “Hampden” për kualifikueset e Kupës së Botës”. [Ndeshja mbaroi 2-2 dhe 3-0 në Uembli ajo e kthimit]
Formacione të mundshme:
Anglia: Pickford; James, Stones, Mings, Shaw; Phillips, Rice, Mount; Foden, Kane, Sterling
Skocia: Marshall; Hendry, Hanley, Tierney; Forrest, McTominay, McGinn, McGregor, Robertson; Armstrong; Adams
