Holanda ka mundur me rezultatin e pastër 2-0 Austrinë në ndeshjen e vlefshme për grupin C, dhe së bashku me Italinë dhe Belgjikën, ka siguruar kualifikimin për fazën e 1/8-ave në “EURO 2020”.
“Tulipanët” gjetën avantazhin në minutën e 10, pasi VAR-i dalloi penalltinë e shkaktuar nga Alaba ndaj Damfris.
Mbrojtësi holandez preku topin dhe ia largoi futbollistit të ri të Realit të Madridit, që e pengoi mbi vijën e 16 metrave. Arbitri nuk pati dyshime dhe akordoi 11-metërsh. Depaj nuk fali nga pika e bardhë.
Pasi humbi një rast të madh me De Vrij, Holanda dyfishoi rezultatin në minutën e 67. Këtë herë Depaj lëshoi një pasim vertikal për Malen, që në vend të godiste vetë përpara porte, tregoi altruizëm të madh, duke pasuar për shokun e ekipit, Damfris, që realizoi golin e dytë në këtë Europian.
Një asist perfekt dhe një tjetër gol nga futbollisti i PSV. Të dy luajnë tke ekipi i Eindhoven dhe janë shok skuadre.
