”Akulli u thye, lihen prapra krahëve tensionet e 2020-ës”. Kështu shkruan shkruan media greke Protothema, pas mbarimit të takimit midis kryeministrit grek Kiriakos Mitsotakis dhe presidentit turk, Rexhep Tajip Erdogan.
Takimi i dy liderëve në Burksel në kuadër të Samitit të NATO-s, zgjati një orë dhe u zhvillua në një atmosferë pozitive. Në fokus të bisedimeve, ishin mosmarrëveshjet mes dy vendeve, kryesisht ajo për detin si dhe përmirësimi i marrëdhënieve mes dy qeverive.
Sipas burimeve qeveritare, bëhet me dije se Mitsotakis dhe Erdogan ranë dakord të linin pas tensionin e vitit 2020, pavarësisht nga ndryshimet shumë të rëndësishme që ekzistojnë.
Presidenti turk pritet të japë një konferencë shtypi më vonë për mediat, ku mësohet se do t’i referohet takimit të tij me kryeministrin Mitsotakis.
