Kur e gjithë vëmendja e opinionit sportiv është fokusuar tek Euro 2020, sot nis edhe Kupa e Amerikës 2021, me ndeshjen Brazil-Venezuelë (ora 23:00).
Kupa e Amerikës u vu në rrezik të madh zhvillimi pasi Brazili organizator po kalon krizë të thellë në raport me virusin Covid-19, duke u bërë vendi i dytë për nga pasojat katastrofike të këtij virusi. Fillimisht u hoq Kolumbia si bashkëorganizatore dhe më pas Argjentina. Në fund fitoi futbolli dhe sot nis turneu që e luan finalen më 11 korrik në orën 02:00 të mëngjesit.
Sot Brazil-Venezuelë, me këtë të fundit që po kalon një krizë infektimesh kur plot 12 lojtarë janë raportuar pozitivë. Ende nuk dihet fati i ndeshjes në këtë Kupë Amerike që ka nisur me paqartësi të mëdha.
Kupa e Amerikës është e ndarë në dy grupe me nga 5 kombëtare, nga ku 4 të parat e secilit grup do të përbëjnë çerekfinalistet në fund.
