Facebook Messenger do të sjellë tre detaje të reja në update-in e ardhshëm në aplikacionin e tij. Karakteristikat e reja përfshijnë tre sfonde bisede, një opsion përgjigjeje të shpejtë, si dhe skanimin e ‘kodeve QR’ + link-et e pagesave.
Përditësimi do të vijë për aplikacionet Android dhe iOS. Gjiganti i mediave sociale tha që opsioni i ‘kodeve QR’ dhe link-eve të pagesave është në dispozicion për përdoruesit e aplikacionit në SH.B.A. duke filluar nga tani. Sfondet e reja do të jenë në dispozicion si në Messenger ashtu edhe në Instagram.
Një shirit për përgjigje të shpejta është shtuar në pjesën e poshtme kur shikon foto apo video në Messenger. Përdoruesit shumë thjesht dhe shpejt mund t’i përgjigjen fotos ose videos teksa e shikojnë në ekran të plotë (full screen) pa pasur nevojë të kthehen në pjesën kryesore të bisedës për t’iu përgjigjur përmbajtjes./Tirana Today
