Shteti Shqiptar do vijojë të kërkojë bllokimin e gjobës 110 milionë euro të fituar në arbitrazh nga Francesco Becchetti. Avokatja e Shtetit, Enkelejda Muçaj ka informuar sot Kuvendin se, Shqipëria po bën çdo hap që të bllokojë pagesën ndaj binzesmenit Italian.
Muçaj tha se, biznesmeni Italian ka hapur katër procese në Gjykatat ndërkombëtare kundër Shqipërisë dhe tre prej tyre janë rrëzuar krejtësisht. Përsa i përket çështjes së fundit, avokatja tha se është e pabazuar në asnjë fakt. “Çështjet e hapura nga Becchetti janë të pabazuara, kemi marrë masa për anulimin e gjobës prej 108 milion euro. Situata është shumë delikate, Becchetti hapi proces penal në Itali ndërkohë që nuk ishte mbyllur gjykimi nga Gjykatat në Shqipëri. Kjo është një sfidë për gjykatat shqiptare. Gjithçka ka nisur nga viti 2009. Në Shqipëri ka nisur një procedim penal kundër zotërisë dhe shoqërive të kontrolluara prej tij. Është ende nën shqyrtim, në fazën e mbledhjes së provave në shkallën e parë. Becchetti ka hapur minimalisht në gjykatat ndërkombëtare, 4 procese gjyqësore. Tre janë mbyllur totalisht. Procesin e fundit ne e konsiderojmë të pabazuar. Kemi të bëjmë me një situatë delikate, të një personi që gjatë historisë së performancës së tij në raport me institucionet e Shqipëri por dhe me të tretët në vend, ka nevojë për performacë ne lidhjen me analizën për të cilën ndodhet para procedimit penal. Ai ka përdorur çdo gjë për të cënuar interesat e Shqipërisë. Është i pabazuar,”– tha avokatja.
Çfarë ndodhi me gjobën
Duke besuar në të drejtën e tij, biznesmeni italian, i mbrojtur nga Hakim Boularbah dhe Olivier van der Haegen (Loyens & Loeff), iu drejtua Qendrës Ndërkombëtare për Zgjidhjen e Mosmarrëveshjeve të Investimeve (ICSID), e cila vendosi në favor të tij më 24 prill 2019, duke i dhënë një kompensim 107 milion euro. Shqipëria e ka kontestuar vendimin e arbitrazhit dhe ka refuzuar të paguajë atë që i detyrohet biznesmenit. Por, Francesco Becchetti, në bazë të një kërkese të njëanshme, mori dritën jeshile në Belgjikë nga gjyqtari i atashimit të gjykatës së shkallës së parë për të kryer konfiskimet nga Eurocontrol. Ky sekuestrim u bë në dhjetor 2020, por shumat e bllokuara ishin jo më shumë se shumë se 170,000 euro.
Kundërshtitë nga ana e Shqipërisë
Shqipëria ndërkohë e ka humbur gjyqin ndaj Becchettit. Avokatja ka njoftuar se, vendi ynë ka depozituar një kërkesë për korrigjim të vendimit për anulim të paraqitur nga Republika e Shqipërisë. Kërkesa është depozituar më 26 maj 2021 në Qendrën Ndërkombëtare për Zgjidhjen e Mosmarrëveshjeve të Investimeve (ICSID). Republika e Shqipërisë, e mbrojtur nga Jean-François Goffin dhe Jean-Luc Hagon (CMS) ka kundërshtuar këtë konfiskim. Çështja e imunitetit juridiksional ka qenë në qendër të debateve. Avokatët e Shqipërisë besojnë se honoraret e paguara nga Eurocontrol ndaj homologut të tij shqiptar (Albcontrol) i nënshtrohen imunitetit dhe për këtë arsye nuk mund të sekuestrohen. Por avokatët e Francesco Becchettit besojnë se kanë të drejtë me sekuestron./ Tirana Today
