Nga Peter Tase* “Eurasia Review”
Në thelb të ekonomisë së shkatërruar të Shqipërisë është lidershipi autokratik i Edi Ramës, i cili e ka kthyer vendin e tij në një vatër të veprimtarisë së organizuar kriminale dhe marrëveshjeve ‘nëntokësore’ që dëmtojnë interesat kombëtare. Të njëjtat grupe kriminale përdorën masa aktive për të blerë vota dhe për t’u dhënë ryshfet votuesve vetëm disa javë para zgjedhjeve parlamentare në 25 prill 2021, duke rritur popullaritetin e Partisë Socialiste të Shqipërisë dhe duke siguruar vazhdimësinë e Edi Ramës në pushtet.
Megjithëse përfaqësuesit e OSBE-së në terren shprehën shqetësimet e tyre në nivelin e ulët të këtyre zgjedhjeve dhe shumica e qytetarëve iu nënshtruan mjerimit dhe varfërisë (gjatë tetë viteve të fundit); disa ambasada perëndimore në Tiranë nxituan ta përgëzojnë Kryeministrin në detyrë dhe në mënyrë indirekte ta inkurajojnë atë të vazhdojë me strategjinë e tij për të dirigjuar krimin e organizuar në territorin shqiptar, duke përfshirë rezervat e naftës dhe gazit (në sasi të paspecifikuar) për kompanitë e lidhura me BE-në, në mënyrë që të demonstrojnë se ishte ai që arriti hapjen e negociatave me BE. Edi Rama po përdor të gjitha dredhitë e ndyra, ashtu si Maqedonia e Veriut, duke shpërqendruar autoritetet ndërkombëtare dhe vazhdon të shmangë plotësimin e kritereve me 15 pika dhe injoron parimet e Kopenhagenit.
Ndjekja e parave që bën Rama inkurajohet dhe nga kriza aktuale ekonomike që ka copëtuar Shqipërinë, me këto negociata Rama shpreson të sigurojë më shumë para të dhuruara nga Brukseli dhe aspiron të kapërcejë rolin e presidentit në ratifikimin e çdo marrëveshje me Bashkimin Evropian. Problemet e Shqipërisë janë theksuar qartë në faqen 60 të dokumentit kryesor të BE-së që përcakton udhërrëfyesin për këtë proces negociimi të gjatë dhe kompleks.
Administrimi i politikës së jashtme shqiptare dhe rishfaqja e diplomatëve të korruptuar para publikut me deklaratat e tyre hipokrite, përfshirë Fatos Tarifa, Artur Kuko dhe tifozin e birrës Ilir Boçka (i njohur për llogaritë e tij bankare në Qipro); redaktuar nga Edi Rama, janë arsye të tjera që tregojnë se vendi është në rrëmujë.
Për më tepër, pozicioni dhe marrëdhëniet e Shqipërisë me vendet fqinje po dëmtojnë sovranitetin e saj kombëtar dhe kufijtë detarë. Në këtë kontekst, cilat janë parimet e marrëveshjes politike me Greqinë dhe pse Edi Rama e mban këtë dokument larg vëmendjes së publikut?
Ministri i Jashtëm grek Nikos Dendias kishte artikuluar qartë në një intervistë në radio se:
Që nga tetori i vitit 2020, një marrëveshje politike është rënë dakord për të adresuar caktimin e zonave ekskluzive ekonomike midis Greqisë dhe Shqipërisë në Gjykatën Ndërkombëtare të Drejtësisë në Hagë.
Nga kjo deklaratë themelore nga Ministri Dendias, lindin pyetjet e mëposhtme, të cilave Edi Rama duhet t’u përgjigjet:
- Çfarë është kjo marrëveshje?
- Cila është përmbajtja e kësaj marrëveshjeje dypalëshe?
- Pse nuk u bë publike kjo marrëveshje, për t’u njohur nga të gjithë shqiptarët, pse territori i Shqipërisë nuk është në pronësi të Edi Ramës?
- Çfarë e pengoi Tiranën të bënte publike një marrëveshje kaq të rëndësishme bilaterale?
- Përveç Edi Ramës dhe degës ekzekutive, a kishte pjesëmarrje të institucioneve të tjera kushtetuese, nëse po, cili ishte kontributi i tyre në këtë marrëveshje?
- A janë mbajtur një sërë konsultimesh me përfaqësues të shoqërisë civile, historianë, ekspertë të mosmarrëveshjeve detare dhe ekspertë të së drejtës ndërkombëtare?
- Cili ishte roli i luajtur nga ekipet negociuese në hartimin e kësaj marrëveshje me Greqinë?
- Kur, kush e bëri dhe kush e nënshkroi këtë marrëveshje?
- Kush e miratoi këtë marrëveshje?
- Ku depozitohet një marrëveshje kaq e rëndësishme?
Një korrigjim për qeverinë Rama në lidhje me negociatat bilaterale me Athinën është i nevojshëm menjëherë. Nuk ka dyshim se taktikat e papërgatitura dhe një dialog i vazhdueshëm i fshehtë do t’i përkeqësojë gjërat në shumë pak kohë. Transparenca është thelbësore që negociatat të jenë efektive dhe të kenë një ndikim të qëndrueshëm për të dy kombet. Një përgjigje dhe transparencë e plotë janë detyrim për Edi Ramën, ai nuk mund të shmangë përgjigjet e këtyre pyetjeve, sepse kufijtë detarë të Shqipërisë janë në rrezik dhe ky rrip ujor nuk është liqeni i Ramës.
*Peter Tase është një shkrimtar dhe gazetar i pavarur lidhur me marrëdhëniet ndërkombëtare, lajmet e Amerikës Latine dhe Kaukazit Jugor. Ai është autori i librit të parë amerikan të botuar mbi thesaret historike dhe arkeologjike të Republikës Autonome të Nakhchivan (Republika e Azerbajxhanit); ka shkruar dhe botuar katër libra mbi politikën e jashtme dhe ngjarjet aktuale ekonomike-politike të qeverisë Azerbajxhanase. Tase ka shkruar mbi marrëdhëniet ndërkombëtare për Revistën Eurasia Revieë që nga qershori 2012.
burimi: https://www.eurasiareview.com/08062021-albanias-corrupt-government-of-edi-rama-oped/
Përshtatur nga Tirana Today
