Sot, rreth orës 15:37 në rrugën magjistreale Ferizaj –Shtime, në fshatin Koshare të Ferizajt, Kosovë ka ndodhur një aksident rrugor me pasoja të rënda, ku të përfshira ishin dy automjete. Si pasojë kanë vdekur 4 persona, ndërsa një ka mbetur i lënduar. Personi që ka pësuar lëndime trupore është dërguar për trajtim mjekësor në QKUK.
Në mesin e viktimave është edhe një 12 vjeçare, lajm i konfirmuar për ‘Express’ nga drejtoresha e Qendrës Kryesore të Mjekësisë Familjare në Ferizaj, Nadire Ymeri. Ajo ka thënë se në mesin e viktimave është edhe një 12 vjeçare.
“4 persona kanë ndërruar jetë si pasojë e aksidentit në fshatin Koshare. Viktimat janë sjellë në Qendrën Kryesore të Mjekësisë Familjare ne Prizren. Edhe policia është në Emergjencë dhe po merr informacione. Në mesin e viktimave është edhe një vajzë 12 vjeçare. Ndërsa, një vajzë e intubuar është nisur për trajtim në Prishtinë”, ka deklaruar ajo.
