Zbardhen detaje të reja në lidhje me zhdukjen misterioze të shefit shqiptar të antidrogës për Ulqinin dhe Tivarin, Rudolf Elezoviç.
Mediat serbe shruajne se Elezoviç, pasi mësoi se anëtarët e një grupi kriminal të dyshuar për kontrabandë rreth dy tonë e gjysmë marijuanë e shënuan atë si një nga lidhjet më të rëndësishme në trafikun e drogës nga Shqipëria në Evropë, u arratis në një vend fqinj.
Me dokumente të rreme, ka shumë gjasa të jetë arratisur drejt SHBA-së. Kjo mund të jetë arsyeja pse Elezoviç në Shqipëri nuk u shënua në asnjë nga pikat kufitare, pasi kaloi në mënyrë të paligjshme, me dokumente të falsifikuara.
Mësohet se ai kërkoi ndihmë nga anëtarët e organizatës kriminale që janë në Shqipëri, dhe dhe ishin ata të cilët e pajisën me dokumente të rreme, me të cilat ai mund të vazhdonte arratisjen e tij.
Elezoviç është i përfshirë në trafikun e drogës prej 1.5 ton marijuanë, të cilët u kapën pak kohë më parë në kuadër të operacionit “Kurthi”, ku u arrestuan 24 persona.
Një nga të arrestuarit është shprehur se Elezović, për çdo kilogramë të lëndës narkotike të trafikuar merrte përqindje të cilën me pas e ndante me kolegët.
I zhdukur që prej datës 27 maj
Rudolf Elezoviç, ka humbur kontaktet me familjen nga data 27 maj. Kontaktin e fundit e ka pasur me një të afërm të tij mbrëmjen e 27 majit, dhe se ka pritur që në afërsi të zonës se Pentarit në lumin Buna një person te vijë edhe ta marrë, qe ta transportojë me varkë në anën e Malit të Zi. Nga ai moment ka humbur çdo kontakt.
Elezoviç ka humbur në kufirin mes Shqipërisë dhe Malit të Zi, në zonën mes fshatrave Pentar dhe Reç. Kohët e fundit ai ka punuar se sektorin e anti-trafikut në policinë e kufirit të Malit të Zi.
