Kanceri i stomakut është i trajtueshëm në qoftë se ai kapet herët. Fatkeqësisht rrallë simptomat fillojnë në stadet e hershme dhe se shpesh shumë pacientë kërkojnë ndihmën e mjekut kur situata është ndërlikuar. Mjekët këshillojnë se ne duhet të drejtohemi për kontroll menjëherë pasi konstatojmë përsëritje të vjellave pas vakteve, ose jashtëqitje me ngjyrë të zezë. Edhe pse jo gjithmonë shenja të tilla janë rezultat i kancerit, ato janë shenja që duhet të na çojnë drejt kontrolleve sa më diagnostikuese, me qëllim evidentimin sa më të hershëm të problemeve.
Për kontroll të stomakut ka disa hapa:
1-Feçe për gjak okult:
Ky është një test jo invaziv për të gjetur praninë e gjakut të fshehur në feçe. Megjithëse hemoragjia mikroskopike është një nga shenjat e para të kancerit , ajo mund të jetë shkak edhe i problemeve te tjera.
2-Endoskopia e sipërme ose gastroskopia
Kjo është një procedurë që lejon mjekun të shohë anormalitetet e traktit të sipërm gastro-intestinal të cilat nuk mund të dallohen nga rrezet X. Kjo wshtw procedura me e saktw kur ajo realizohet sipas protokollit. Nëpërmjet këtij ekzaminimi mjeku mund të marrë edhe biopsi ku mund tw vlerwsohet stomaku edhe pwr situata prekanceroze si atrofinw, metaplazinw dhe displazinw. Endoskopia e sipërme ekzaminon ezofagun, stomakun, dhe pjesën e sipërme të intestinit të hollë. Kjo procedurë kërkon disa minuta. Pas këtij ekzaminimi nuk duhet të hani për 2 orë.
3-Ekzaminimi radiologjik i traktit të sipërm gastro- intestinal
Ky proces ekzaminon ezofagun, stomakun, dhe pjesën e parë të intestinit të hollë. Para testit pihet sulfat bariumi, një lëng i trashë, i cili vesh përkohësisht stomakun. Pas këtij testi ju mund të hani normalisht ose të vazhdoni aktivitetin tuaj të zakonshëm, por është e nevojshme të pihet më shumë ujë për nxjerrjen e bariumit nga sistemi juaj tretës. Komplikacioni më i thjeshtë është konstipacioni i përkohshëm.
4- Endoskopia me ultrasound ose EUS
Ky kontroll ndihmon për të determinuar nëse kanceri ka përhapje në muret e stomakut, ose në indet e afërta dhe nodujt limfatike.
5- Tomografia e kompjuterizuar ose skaneri
Ky kontroll përcakton përhapjen e kancerit jashtë stomakut sidomos në organe si mëlçia dhe mushkëritë.
6- Rezonanca manjetike
Ky kontroll shikon përhapjen e kancerit pas stomakut.
7- Ekzaminimi radiologjik i kraharorit
Me këtë kontroll shihet nëse kanceri ka përhapje edhe në mushkëri.
