Imagjinoni të keni një fëmijëri, ku gjithçka që keni parë është vdekja dhe shkatërrimi. Kjo është jeta e një fëmije në Palestinë.
Bombardimet e Izraelit kanë vrarë të paktën mbi 200 persona që nga fillimi i sulmeve, përfshirë 41 fëmijë. Mbi 1.300 njerëz kanë mbetur të plagosur, nga të cilët shumë janë të mitur, shkruan India Times.
Mes këtij bilanci tragjik, një video e një fëmije 10-vjeçar nga Rripi i Gazës është bërë virale në mediat sociale. Nadine Abdel-Taif shihet me lot në sy, teksa shprehet se sa e pafuqishme ndihet gjatë kësaj kohe të trazuar në vendin e saj.
“Unë jam gjithmonë e sëmurë, nuk mund të bëj asgjë. Çfarë duhet të bëj? Ta ndreq atë? Unë jam vetëm 10 vjeç. Unë madje nuk mund të merrem më me këtë. Pse, ne e meritojmë këtë gjë? Çfarë kemi bërë ne? thotë ajo ndërsa tregon gërmadhat pas saj.
“Unë thjesht dua të bëhem mjeke ose diçka për të ndihmuar njerëzit e mi. Por nuk mundem. Unë jam thjesht një fëmijë , u shpreh Nadine.
https://www.youtube.com/watch?v=ayNzoO38QGc
Luftimet nisën pas një përplasje mes policisë izraelitëve dhe palestinezëve në vendin e shenjtë në Jeruzalemin lindor. “Haram al sharif” është Mali i Tempullit dhe frekuentohet edhe nga myslimanët palestinezë edhe nga izraelitët. Përplasjet vazhduan dhe autoritetet izraelite përgjatë muajit të Ramazanit kërkuan të dëbonin familjet palestineze që jetojnë në Jeruzalemin lindor.
Gjatë përplasjeve, Hamas kërkoi që qeveria izraelite të largonte policinë dhe të mos dëbonte familjet por thirrjet nuk u dëgjuan. Në këtë moment, ushtria palestineze dërgoi raketa drejt Izraelit dhe kaq mjaftoi që lufta të niste.
