Seria A po përgatitet të përjetojë lëvizje interesante në lidhje me tregun e transferimeve të portierëve. E ardhmja e Bufonit mund të marrë një kthesë të re, me Donarumën në horizont
E ardhmja e Juventusit do të zgjidhet në mënyrë të pashmangshme nga ajo e Xhanluixhi Bufonit. Dje, në fakt, një vendim përfundimtar erdhi nga portieri, i cili do të ndahet nga bardhezinjtë. Në orët e fundit, hipotezat në lidhje me të ardhmen e tij janë ndezur vrullshëm, teksa endet midis mundësisë që të qëndrojë në Itali dhe pistave të huaja që mund ta largonin nga mëmëdheu për t’i dhënë fund karrierës së tij.
Një hipotezë e bujshme dhe qartësisht sugjestionuese për tifozët mund ta çojë portierin veteran tek një rival historik i klubit të Juventusit. Bufoni mund të përfundojë, siç raportohet nga ‘Calciomercato.it’, edhe në Milano në një kthesë të bujshme të merkatos që do të përkonte njëkohësisht edhe me qëndrimin e Xhixhi Donarumës tek kuqezinjtë.
