Helmimi nga kërpudhat dyshohet t’i kenë marrë jetën tri pjestarëve të familjes Haliti nga Gjilani, Elfetja, Ferdinazja dhe Afrimi, që banonin në një shtëpi në një resort në Gjirin e Lalëzit, 25 kilometra larg Durrësit. Historia e helmimit me këpurdhat mësohet se ka nisur të enjten, ku tri pjestarët e familjes kanë dalë për piknik për të mbledhur këpurdha në zonë. Nga konsumimi i tyre mësohet të ketë nisur reaksioni i rëndë, duke shkaktuar vdekjen e tyre vetëm disa orë më vonë, të premten në një spital në Tiranë.
Ngjarja
Nga hetimet e para mësohet se, pasi kanë ndjerë shqetësime, Elfetja, Ferdinazja dhe Afrimi i janë drejtuar qendrës shëndetësore në Manëz, vetëm pak kilometra larg resorit ku ata banonin, për të marrë ndihmë pasi ishn ndjerë keq nga konsumimi i këpurdhave. Duket se pas një mjekimi të shpejtë, të tre të helmuarit janë kthyer në banesë. Por vetëm pas pak orësh të tre janë kthyer sërish në qendrën shëndetësore, këtë herë në gjendje të rënduar. Fillimisht të tre të hemuarit janë dërguar me urgjencë në spitalin e Durrësit. Por, siç mësohet nga hetimet e para, duke parë gjendjen e tyre të rënduar, mjekët e spitalit në Durrës i kanë nisur për mjekim më të specializuar në Tiranë. Por fatkeqësisht, pasi disa orësh, të tre kanë ndërruar jetë.
Trupat e tyre janë tërhequr nga familjarët të premten, duke u përcjellë drejt Gjilanit, për ceremonitë mortore. Mësohet se policia ka proceduar dy mjekët e qendrës shëndetësore në Manëz nën akuzën për “mjekim të pakujdeshëm”..
Dëshmia e familjes
Mësohet se për ngjarjen është siguruar edhe dëshmia e familjarëve të kësaj familje. Sipas tyre, nënë, bir e nuse kishin shkuar në pyll dhe kishin mbledhur kërpudha, të cilat i kishin konsumuar atë ditë. Pasi kanë shfaqur shenja helmimi, kanë shkuar në qendrën Shëndetësore të Manzës ku kanë marrë serum dhe më pas janë përcjellë për në banesë. Por në shtëpi, duket se gjendja e tyre është përkeqësuar më shumë deri sa ka shkuar ambulanca nga Tirana i ka transportuar për në spital. Vëllai i viktimës, tha se i kishin dërguar një foto ku i kishin treguar se ishin në pyll dhe po mblidhnin kërpudha. “Vëllai me çoi këtë foto dhe më tha qe ‘po kalojmë mirë, kemi mbledhur kërpudha ne pyll’. Djali ka ardhur pasi mësoi se familjaret u shtruan në spital. Në polici djali tha se vëllai nena dhe kunata kanë konsumuar kërpudhat e mbledhura në pyllin e Lalëzit. Ndërkaq, edhe vajza e Afrimit, ka shkruar disa fjalë prekëse për të, në rrjetin social Facebook. “Shpirtat e mi ma thajtët zemrën allahu në lula të xhenetit ju past dërgu në këtë natë të madhe të ramazanit“,- ka shkruar ajo.
