Java e 28-të e Premier Ligës vazhdoi dje, me katër ndeshje të tjera.
E diela filloi në 13:00 me Sauthemptonin, ende me pasojat e nokautit nga Mançester Siti, që priti Brajtonin: një humbje tjetër për ‘shenjtorët’, Dunk dhe Trossard (rezultati 1-2, në mes goli i Adamsit për Sauthemptonin) u dhanë mysafirëve tre pikë të çmuara për luftën për mbijetesë.
Në orën 15:00, Leisteri shënoi suksesin e dytë radhazi kundër Shefilld Junajtidit, i fundit në renditje, duke i mposhtur ‘blejdsat’ me rezultatin 5-0: protagonist kryesor Iheanacho, autor i një triplete.
Në orën 17.30 ndeshja e madhe e ditës, derbi i Londrës veriore: në Emirates Stadium, Arsenal i Artetës dhe Totenhemi i Murinjos kundër njëri-tjetrit: ndeshja u hap me një gol të shkëlqyer me ‘rabona’ nga Lamela, por më pas ‘gunersat’ e përmbysën me Odegaard dhe Lacazette .
Në fund, në orën 20:15, ishte radha e Mançester Junajtidit: pas barazimit kundër Milanit në Europa League, djajtë e kuq fituan në Old Trafford kundër Uest Hemit: goli i McTominay-t rerzultoi vendimtar.
Programi i javës mbyllet me Uolvs-Liverpul sot në 21:00.
