Kryetari i Forumit Rinor të Partisë Demokratike, Belind Këlliçi është gjobitur me 5 milion lekë, për shkak se ka organizuar takime në ambiente të mbyllura me mbi 10 persona, duke shkelur protokollet anti-covid.
Lajmi është bërë i ditur nga vetë Këlliçi përmes një postimi në rrjetet sociale, ndërsa thekson se kjo është një gjobë për opozitën.
Sipas tij, kryeministri Edi Rama, kryebashkiaku i Tiranës, Erion Veliaj dhe ministra po organizojnë takime me punonjës të administratës, me pjesëmarrje 100-200 vetë, por nuk ndëshkohen.
Postimi i Këlliçit në Facebook
Kjo është gjoba 50 milionëshe për Opoziten!
Policia më ka gjobitur me pretendimin se kam shkelur fjalën-urdhër të kryeministrit, për organizim në mjedise të mbyllura me mbi 10 vetë.
Edi Rama i pari, dhe banda e tij me ne krye Veliajn, Spiropalin, Ballukun, po organizojnë takime me punonjës të administratës, me pjesëmarrje 100-200 vetë, ku Policia kujdeset vetë për organizimin, që nga vendosja e karrikeve deri te listë-prezenca e duartrokitësve.
Akti teatral i radhës ishte gjobitja ndaj Erion Veliaj. Komisioni i Ankimeve dhe Sanksioneve ka shfuqizuar dy dënimet me gjoba për Veliajn, sepse nuk ka konstatuar shkelje nga ana e Veliajt dhe ka shfuqizuar gjobat me 35 mijë lekë dhe 40 mijë lekë.
Gjobat janë vetëm për opozitën. Janë për këdo që i bën opozitë urdhërave të Ramës.
Keni edhe 66 ditë kohë per te vendosur gjoba antikushtetuese.
Pastaj ju pret 25 prilli.
Asnje hap pas.
