Kanë nisur bisedimet mes ndërmjetësve të Borusia Dortmund dhe përfaqësuesve të Thomas Strakosha. “Sky Sport Italia”, raporton se së fundmi janë zhvilluar kontaktet e para mes përfaqësuesve të Strakoshës dhe Dortmundit.
Këta të fundit janë në kërkim të një portieri për sezonin e ardhshëm dhe për këtë arsye kanë piketuar gardianin e Shqipërisë, me të cilin kanë nisur bisedimet.
25-vjeçari po kalon një sezon të vështirë te Lacio, teksa është aktivizuar vetëm në 8 ndeshje në të gjitha kompeticionet.
Ishte vetë Strakosha i cili në një intervistë të dhënë pak ditë më parë, u shpreh se do i pëlqente të luante për verdhezinjtë dhe duket se kjo mund të realizohet nga sezoni i ardhshëm.
Strakosha ka kontratë deri në verën e vitit tjetër me Lacion, por aventura me bardhekaltrit mund të mbyllet që këtë verë.
