Kryeministri Edi Rama ka ndarë sot një lajm të mirë sa i takon ndërtimit të aeroportit të Vlorës dhe të Kukësit.
Gjatë fjalës së tij në një bashkëbisedim me banorët e Gjirokastrës, ku ka dëgjuar nga afër shqetësimet e tyre, kryeministri tha se këto ditë pritet të shpallet fituesi i garës ndërkombëtare për këto aeroporte.
Kreu i qeverisë u shpreh se ky proces u vonua për shkak të situatës me pandeminë Covid-19.
“Shpresoj që këto ditë të kemi fituesin e garës ndërkombëtare që u bë si legjenda e Rozafës, pandemia, hapje-mbyllje, kredia, etje. Këtu në Gjirokastër bëhet fjala për dy aerodrome, që do të jenë turistike”, tha Rama.
