Përfundojnë dy ndeshjet që hapën siparin e javës së 14 të Kategorisë Superiore.
Teuta mundi me rezultatin e pastër 2-0 Bylisin, dhe me këtë fitore durrsakët ngjiten në vendin e dytë me 23 pikë, ndërsa Bylis mban vendin e 8-të me 12 pikë.
Në ndeshjen tjetër, atë të “derbit të Veriut”, Kukësi është mundur minimalisht nag Vllaznia. Heroi i shkodranëve ishte Kalaja me golin e realizuar në minutën e 58.
Pas një tentative nga distanca të Markut, Tafa nuk e kontrolloi siç duhej, duke e lënë topin në zonë, aty ku ndodhej Kalaja, i cili nuk fali, duke e shtyrë topin drejt rrjetës.
Me këtë fitore, Vllaznia mban e vetme kreun e renditjes me 32 pikë, ndërsa Kukësi mban vendin e 7 me 17 pikë.
