Në sfidën Olimpija Ljubjana-Tabor Sezana e përfunduar me rezultatin 2-1 për vendasit, ndodhi një moment sa i çuditshëm po aq sa edhe gazmor.
Arbitri sloven në minutën e 54’ i nxjerr kartonin imagjinar në mënyrë simbolike mbrojtësit të Olimija Ljubjanas, Andrejashiç pasi i kishte harruar për t’i marrë me vete gjatë zhvillimit të sfidës.
Arbitri pas faullit zgjati dorën lart duke i treguar “kartonin” por pas një reagimi në kufje nga asistenti, kryesori mori kartonat që i mungonin dhe e ndëshkon mbrojtësin e Ljubjanës.
Më pas Andrejashiç u zëvendësua nga trajneri i tij nga frika e një tjetër kartoni.
