Kosova ka ashpërsuar masat, pas rritjes së rasteve me koronavirus. Kjo ka shkaktuar zemëratë tek disa prej të prekurve. Ndër ta përmendim edhe gastronomët, të cilët kanë marrë një vendim duke shpallur “non grata” qeverinë e Kosovës.
Në rrjetet sociale, ata shkruajnë se për sa kohë qeveria nuk e ka konsideruar thirrjen e tyre për mosmbylljen e bareve dhe restoranteve, atëherë e njëjta sjellje do të jetë dhe për ta. Ata kanë vendosur për të mos iu shërbyer në kafe, bare dhe restorante klasës politike.
“S’ka konsideratë për neve, s’ka kafe për juve. Shoqata e Gastronomëve në emër të gjithë anëtarëve shpall Qeverinë e Kosovës NON GRATA (të padëshirueshëm). Nuk do t’ju shërbejmë në kafe, bare dhe restorante. Vendimi hyn në fuqi menjëherë. Jo mbyllje!”, shkruajnë ata.
