Kolegji i Posaçëm i Apelimit, nuk arriti që të jepte sot një vendim për ish-gjyqtaren e Gjykatës së Lartë Arjana Fullani, por vendosi që të shtyjë seancën më 11 nëntor.
Vendimi i KPK i datës 23 korrik të vitit të kaluar vendosi që Fullani për 15 vite të mos ushtronte asnjë funksion në drejtësi.
Fullani e ankimoi pjesërisht vendimin që e përjashton për 15 vite, por jo mbarimin e mandatit të saj si magjistrate.
Avokatja e Fullanit, Evelina Qirjako është shprehur se është ankimuar pika e dytë e vendimit të KPK, që Fullani nuk mund të emërohet për 15 vite në drejtësi. Sipas saj, KPK ka kryer shkelje procedurale në vendimin e dhënë për Arjana Fullanin.
