Një 41-vjeçar është arrestuar nga policia në Gjrokastër pasi ishte i shpallur në kërkim ndërkombëtar për krime ndaj personit me armë zjarri e eksploziv.
Shtetasi D.GJ, nga Shkodra, dyshohet se ka kryer vrasje me pagesë në Kosovë, me armë zjarri dhe eksploziv.
Për këtë arsye, Gjykata Themelore në Gjakovë, ka lëshuar urdhër arresti për veprat penale “Vrasje” dhe “Armëmbajtje pa leje të armëve dhe municioneve luftarake dhe shpërthyese”.
”Ndalimi i këtij shtetasi u bë pasi Gjykata Themelore në Gjakovë, Departamenti për Krimet e Rënda me Vendim nr.26/18, datë 06.07.2020, ka lëshur urdhër arresti ndërkombëtar në ngarkim të këtij shtetasi për veprat penale “Vrasje” dhe “Armëmbajtje pa leje të armëve dhe municioneve luftarake dhe shpërthyese”, informon policia.
Operacioni policor i koduar “Kalaja”, u finalizua nga Fast Albania, në bashkëpunim me Fast Kosova, DVP Gjirokastër, Lezhë e Shkodër dhe Interpol Tirana.
