Forcave RENEA i janë dashur më shumë se pesë orë negociata për të bindur 31-vjeçarin nga Fieri që të ulë armën, me të cilën kërcënonte se do vetëvritej.
Policia e Fierit bën me dije se rreth orës 03:25 ai është dorëzuar falë negociatave ndërsa iu sekuestra automatiku dhe një gëzhojë.
Policia sakaq e shoqëroi për sqarimin e rrethanave dhe kryerjen e veprime të mëtejshme hetimore.
Kujtojmë që mbrëmjen e së shtunës rreth orës 22:50 i riu ka shkuar në oborrin e banesës së vjehrrit të tij i armatosur dhe kërcënononte se do të vetëvritej. Në vendngjarje shkuan menjëherë shërbimet e policisë, të cilët negociuan me të. Të paqarta mbeten ende shkaqet e këtij veprimi.
