Është ndarë nga jeta gjykatësja e Gjykatës Supreme të Shteteve të Bashkuara në moshën 87- vjeçare. Ajo ishte ikona për mbrojtjen e të drejtave të grave, Ruth Bader Ginsburg. Mësohet se Ginsburg ka humbur betejën me një sëmundje kancerogjene.
Lajmi për vdekjen e saj u dha nga Gjykata Supreme përmes një deklarate, në të cilën thuhet se Ginsburg vdiq nga kanceri i pankreasit në shtëpinë e saj në Uashington, e rrethuar nga familja. Vet gjykatësja e ndjerë kishte njoftuar se do t’i nënshtrohet kimioterapisë për shkak të rishfaqjes së kancerit.
