Dy persona u arrestuan në kushtet e flagrancës në Pogradec, pasi u kapën duke transportuar 6 emigrantë të paligjshëm.
23-vjeçari Isuf Dermishjllari u kap duke transportuar 5 emgrantë, ndërsa 27-vjeçari Aleks Matraku duke transportuar një emigrant.
Si rezultat i të cilit u bë arrestimi në flagrancë i shtetasve: I. D., 23 vjeç, banues në Korçë, i cili u kap pranë vendit të quajtur “Guri i Kuq” në Pogradec, duke transportuar me mjetin tip “Benz”, pesë emigrantë të paligjshëm, të cilëve kundrejt fitimit iu kishte premtuar kalimin drejt vendeve të BE-së. A.M., 27 vjeç, banues në Shkozë, Tiranë, pasi ky shtetas u kap në vendin e quajtur “Enkelana” në Pogradec, duke transportuar me mjetin tip “Opel”, një emigrant të paligjshëm, të cilit kundrejt shpërblimit i kishte premtuar kalimin drejt vendeve të BE-së’’, informon policia.
Operacioni i koduar ‘Perimetri u finalizua nga Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve”.
