Rajoni i Madritit në Spanjë, njoftoi sot një kufizim të lirisë së lëvizjes për rreth 13% të popullsisë së tij në përpjekje për të frenuar shpërthimin e përhapjes së COVID-19.
“Banorët në fjalë do të jenë në gjendje të dalin nga lagjet e tyre për të shkuar në punë, për të shkuar te mjeku ose për të dërguar fëmijët e tyre në shkollë”, deklaroi presidentja e këtij rajoni prej 6,6 milion banorësh, Isabel Diaz Ayuso.
