Ministri i jashtëm turk, Mevlüt Çavuşoğlu, ka paralajmëruar Francën që t’i japë fund qëndrimit provokues dhe kolonialist, lidhur me çështjen e Mesdheut Lindor.
“Kush po i nxit grekët kundër turqve? Franca. Por ka një axhendë tjetër. Kur u shembën planet e saj për të krijuar një shtet terrori në Siri, mori një qëndrim të pafytyrë kundër Turqisë. A mos vallë duhet t’i kërkoj leje Francës teksa po zhvilloj një luftë kundër terrorizmit?”, tha ai duke iu referuar takimeve të presidentit Macron me përfaqësuesit e YPG-së kurde për të ofruar mbështetjen e tij.
Ankaraja e konsideron YPG-në (milicinë kurde që vepron kryesisht në Siri) si një grup terrorist. Zyrtarët turq më herët kritikuan dhe marrëdhëniet e gjigantit francez të çimentos Lafarge me YPG / PKK pasi siç pretendon shtypit turk, zyrtarët e kompanisë u akuzuan, por nuk u dënuan për pagesat e tyre dhe angazhimin e tyre me këto grupe.
Në muajin qershor, një zyrtar francez doli me pretendimin se marina turke kishte shqetësuar një luftanije franceze që po merrte pjesë në misionin e NATO-s në Mesdhe.
