Në fjalimin e tij të parë nga dritarja e Bazilikës së Shen Pjetrit, pas 3 muaj izolim për shkak të pandemisë së koronavirusit, Kreu i Selisë së Shenjtë Papa Françesku theksoi se njerëzit janë më të rëndësishëm se ekonomia.
“Shërimi i njerëzve është më i rëndësishëm se shpëtimi i ekonomisë. Ne, njerëzit, jemi tempuj të Shpirtit të Shenjtë, ndërsa ekonomia nuk është”, u shpreh ai.
Ky mesazh i rëndësishëm i Papës u prit me duartrokitje nga qindra qytetarët e mbledhur në shesh, shumica e të cilëve me maska dhe në distancë nga njëri-tjetri.
Kujtojmë se para pandemisë, sheshi i famshëm mbushej plot nga dhjetëra, mijëra besimtarë, të cilëve iu duhej të ngjesheshin mes tyre për të dëgjuar fjalën e Papës gjatë së dielës.
