Një grua 113-vjeçare nga Girona e Spanjës raportohet se është shëruar nga koronavirusi.
Mediat lokale bëjnë me dije se Maria Branyas, e cila gjithashtu është personi më i moshuar në Spanjë, arriti të mposhtë COVID-19.
Thuhet se kur ishte fëmijë, ajo arriti të mposhte edhe Gripin Spanjoll.
Grupi për Hulumtime Gjerontologjike, që përbëhet nga shkencëtarë që merren me studimin e çështjeve që lidhen me personat e moshuar, pretendojnë se në bazë të të dhënave që janë në dispozicion, Branyas është personi më i vjetër në botë që është shëruar nga koronavirusi.
