Ministrja e Energjisë dhe Infrastrukturës Belinda Balluku ka sqaruar mënyrën e re të riatdhesimit që pritet të zbatohet nga dita e nesërme për shqiptarët e mbetur jashtë kufirit.
Balluku njoftoi se të gjitha aplikimet për të rezervuar një vend në avion bëhen në e-Albania.
“Deklaroni adresën e banimit. Kush banon në zona të gjelbërta duhet të rrijë në hotel. Kush banon në zonat e kuqe do të karantinohen në banesat e tyre nën monitorimin e policisë.
Gjatë udhëtimit me Air Albania do plotësoni një formular vëtëdeklarimi, në rast deklarimi të rremë do të aplikohen masa ndëshkimi në bazë të ligjeve në fuqi.
Në aeroport, personat që jetojnë në zona të gjelbërta do dërgohen në hotel me autobus.
Do paguajnë vetëm 7 euro për ushqimin.
Kemi luftuar këto 8 javët e gjata me armikun e padukshëm. Ia kemi dalë jo vetëm falë angazhimit të qeverisë por edhe pse ju keni treguar përgjegjshmëri.
Edhe sot kërkohet përgjegjshmëri nga ju për mënyrën e re të riatdhesimit. Ditët që po vijnë padyshim do të jenë më të mira se ato që kaluam por vetëm nëse zbatojmë protokollet dhe rregullat e shpallura nga qeveria”, u shpreh ministrja.
