Shumë kompani kanë kapitulluar, e disa të tjera po mbijetojnë në këto kohë pandemie. Falë teknologjisë, është arritur që një pjesë e mirë e punëve të realizohen në shtëpi. Të njëjtën fat kanë edhe punonjësit e rrjetit social Facebook, të cilët menaxhojnë situatën nga banesat e tyre.
Në një deklaratë, rrjeti social ka bërë të ditur se do të ndalojë të gjitha aktivitetet e parashikuara për këtë vit, për shkak të pandemisë.
Gjithashtu Facebook-u do të lejojë punonjësit që të punojnë nga shtëpitë, deri në fund të verës. “Shumica e punonjësve të Facebook-ut, janë me fat që kanë mundësi të punojnë me produktivitet nga shtëpia. Kështu që ne kemi përgjegjësinë që t’i lejojmë ata të cilët e kanë këtë mundësi, që të mos dalin në ambiente publike. Shpresoj që kjo të ndihmojë në mbajtjen nën kontroll të përhapjes së Covid-19, ndërkohë që mbajmë edhe komunitetet e sigurta”, tha Mark Zuckerberg.
