Në datën 15 prill, Danimarka lejoi hapjen e disa çerdheve dhe shkollave fillore, duke zbatuar rregullat, ndonëse ka regjistruar 6.879 të infektuar dhe 321 persona të vdekur. Por nuk do të mbetet me kaq, pasi Danimarka do të hedhë hapin e radhës. Së shpejti do të lejojë hapjen e disa bizneseve të vogla, si sallonet e bukurisë dhe autoshkollat më 20 prill.
“Askush nuk dëshiron ta mbajë Danimarkën të mbyllur një ditë më shumë sesa është e nevojshme”, ka deklaruar kryeministrja Mette Frederiksen.
Vendi do vazhdojë t’i mbajë kufijtë e tij të mbyllur. Po kështu ndalohet hapja e restoranteve, bareve, palestrave si dhe tubimet e mëdha publike.
