Kapiteni i PSG, Thiago Silva ka kërkuar nga shokët e skuadrës së tij përkushtim maksimal gjatë periudhës së izolimit, duke theksuar se këto ditë nuk janë pushime.
35 vjeçari deklaroi se e gjithë skuadra duhet të tregohet profesioniste dhe të jetë e gatshme për rifillimin kurdo që të thirren.
“Flas me trajnerin dhe shokët e skuadrës. Skuadra jonë është tepër e përgjegjshme. Punoj çdo ditë me ta. Duhet të jemi profesionista dhe të vazhdojmë të punojmë. Nuk jemi me pushime, prandaj duhet të ndërmarrim përgjegjësi dhe të jemi gati nëse rifillojmë të luajmë.
Duhet të përshtatemi, sepse kjo është jeta. Ka dhe gjëra më të këqija. E mira është se mund të shijojmë pak më shumë kohë me familjen edhe pse është një kohë e vështirë për të gjithë,” tha ai për faqen zyrtare të PSG.
