Eden Hazard e ka treguar se është një fans i madh i ushqimit teksa habiti jo pak në verën e kaluar, kur sapo ishte transferuar te Real Madrid, por u shfaq me kile të tepërta. Sulmuesi e pati jo të lehtë t’i hiqte kilet, teksa veten e mori pas disa muajsh.
Por, tashmë që belgu është mbyllur në shtëpi si pasojë e koronavirusit, tregon se e ka të pamundur t’i rezistojë ushqimit. “Punoj ende me fizioterapistin online, ai nuk mund të vijë sepse ka qenë sëmurë dhe duhej të qëndronte në shtëpi.
Kemi filluar punë para 10 ditëve, ka ushtrime në tokë sepse dua të forcoj kyçin tim. Bëj çfarë të mundem. Sa i përket ushqimit, po përpiqem të mos konsumoj shumë por e kam të vështirë. Është e vështirë të rezistoj”, u shpreh Hazard.
