Është një nga kryeqytetet financiare në botë, dhe këtu çdo gjë kushton, nga çmimet e shtëpive deri tek një vend në varreza. Por kohët e fundit, në Hong Kong mund të të kushtojë më shtrenjtë të kesh një makinë se sa një shtëpi. Ky ishte rasti i një blerësi anonim, që mësohet se e bleu një vend parkimi rreth 12.5 metra katrorë, për plot 969 mijë dollarë amerikanë.
Për krahasim, apartamenti mesatar në Manhatan, Nju Jork, vlen 4 herë më pak. Vend-parkimi është i hapur, dhe ndodhet përballë “Qendrës”, një grataçelë 79-kateshë në zonën financiare të qytetit.
Rreth e rrotull godinës janë vetëm 400 vende parkimi, 4 prej të cilave i kishte në pronësi biznesmeni Xhoni Çeung. Ndërkohë edhe 3 vendet e tjera, raportohet se ai i ka shitur për një shumë me gjashtë shifra.
Rekordi i mëparshëm për një vend parkimi, ishte vendosur në vitin 2018, kur u shit për 760 mijë dollarë, para një kompleksi apartamentesh luksoze. Indeksi vjetor i “Mercer Cost” për jetesën e ka cilësuar Hong Kongun si vendin më të shtrenjtë në botë gjatë viteve të fundit. Çmimet stratosferike dhe pabarazia e madhe sociale, është një nga arsyet e valës së fundit të protestave popullore.
TIRANA TODAY
