Edhe pse LSI-ja ishte një nga palët që firmosi marrëveshjen e Reformës Zgjedhore, duket se kjo parti politike nuk ka hequr dorë nga kërkesa e saj për zgjedhje të parakohshme.
Ish-deputeti i LSI-së Luan Rama i ftuar në emisionin “Real Story” në “News 24” tha se shqiptarët duhet të ngrihen, për të rrëzuar qeverisjen e bërë bashkë me krimin.
“Referendumi duhet të kthehet në një formë për të zgjidhur shumë probleme. Duhet rrëzuar kapja e shtetit nga një pushtet kriminal dhe pushteti që mbrohet nga krimi. Qeverisja dhe krimi nuk duhet të jenë bashkë.
Shqiptarët duhet të ngrihen dhe të ndryshojnë sistemin e qeverisjes, pastaj shihet sistemi zgjedhor.”, tha Luan Rama.
LSI këmbëngul ashtu si Basha një ditë më parë për zhvillimin e zgjedhjeve të parakohshme. Nga ana tjetër, PS shprehet e qartë se nuk do të zhvillohen zgjedhje të tilla, aq me tepër tani që u arrit marrëveshja për Zgjedhoren.
