Prokuroria greke do të nisë hetimet për vrasjen e ekstremistit minoritar grek, Kostandin Kacifas në fshatin Bularat të Gjirokastrës.
Sipas mediave fqinje, prokuroria greke do të kërkojë të dhëna nga drejtësia shqiptare mbi detajet rreth operacionit ku mbeti i vrarë Kacifas.
Hetimi është hapur me akuzën se vrasja ka qenë e qëllimshme dhe në bashkëpunim. Ndërsa, prokurori grek Konstantinos Simitzoglou ka ngritur një çështje penale për vrasjen e Kacifas, ku do të thërrasë ekspertët grekë të mjekësisë ligjore për të identifikuar autorët.
Nëna e 35-vjeçarit tha për mediat greke: “Ne duam të dimë pse fëmija ynë u vra. Ai dha një mesazh për Greqinë dhe Epirin e Veriut. Ata e vranë atë padrejtësisht, ai nuk bëri asgjë. Ai e donte flamurin e kombit. Fajtorët duhet të dalin në dritë. Ai ishte një fëmijë i qartë dhe i mirë”.
