Prokurori Kombëtar i Drejtorisë Antimafia dhe Antiterrorizëm në Itali, Frederico Cafiero De Raho shprehet se kemi një problem të përbashkët, atë të luftës ndaj krimit.
Sipas tij, regjimi i posaçme i burgosjes së anëtarëve të bandave të krimit të organizuar është një mjet i fuqishëm për të ndërprerë lidhjet e këtyre kriminelëve me botën jashtë burgut dhe goditja e krimit te organizuar.
Ndër të tjera, ai deklaroi se mafia shqiptare ka lidhje të forta me disa nga bandat e mëdha italiane, si Ndrangheta.
“Me kriminalitetin e Ndragetës krimi shqiptar ka lidhur marrëveshje. Punojnë shpesh të dyja palët dhe organizata zhvillohet mbi një territor të tërë evropian, mbi portet e Evropës. Organizatat marrin sasi të mëdha kokaine të eksportuara që kthehen në pasuri që shtrihen jo vetëm në Evropë. Organizata italiane Ndragheta e ka shtrirë edhe në Amerikë, veprimtarinë e saj.
Ka baza të fuqishme dhe kjo e bën të mundur të jetë shumë e përhapur e të vërë mënjanë një pasuri shumë të madhe”, theksoi ai.
Ndër të tjera, De Raho sugjeroi që të burgosurve t’u ndëpriten totalisht bisedat. Dhe të përgjohen moment pas moment. Ndërsa shton se në këtë mënyrë, të dënuarit nuk do të mund të drejtojnë botën e krimit nga burgu.
Ministria e Drejtësisë po mban një konferencë me tematikë “Administrimi, menaxhimi dhe përdorimi i pasurive të sekuestruara e të konfiskuara”.
Në këtë mbledhje, do të diskutohen praktikat në aspektin e bashkëpunimit ndërkombëtar, ku marrin pjesë Prokurori Kombëtar i Drjetorisë Antimafia dhe Antiterrorizëm në Itali, Frederico Cafiero De Raho, ambasadori Soreca, ministrja Denaj dhe përfaqësues të tjerë të rëndësishëm nga sistemi i drejtësisë.
