12 persona kanë humbur jetën në Sllovaki këtë të mërkurë, si pasojë e një aksidenti rrugor.
Një kamion që mbante zhavorr është përplasur me një autobus të pasagjerëve, duke lënë të vdekur 12 persona në perëndim të Sllovakisë. Ngjarja u regjistrua afër qytetit Nitra, 90 kilometra në lindje të kryeqytetit, Bratislavë.
Autoritetet atje e kanë konsideruar këtë aksident si më të përgjakshmin në këto 10 vitet e fundit.
https://www.facebook.com/policiaslovakia/videos/1161538827371519/?t=21
Sakaq, ministrja e Brendshme, Denisa Sakova, deklaroi se kamioni ka qenë shumë i ngarkuar, duke shkaktuar përplasje me autobusin. Më pas, shtoi Sakova, autobusi ka dalë nga rruga, dhe disa njerëz kanë mbetur të bllokuar në të.
Mes personave që humbën jetën janë edhe katër nxënës të shkollave të mesme.
