Komisioneri Publik ka kërkuar shkarkimin e anëtarit të Gjykatës Kushtetuese, Besnik Muçi.
KPA ka mbyllur përfundimisht hetimin dhe pritet të japë vendimin final më datë 21 nëntor, në orën 11:00. Besnik Muçi kaloi me sukses shkallën e parë të vettingut, por vendimi u ankimua nga Komisioneri Publik.
Ndërkohë gjatë seancë që u mbajt sot, Komisioni Publik tha se ish-prokurori ndodhet në kushtet e mosdeklarimit të saktë të pasurisë, pasi nuk e justifikoi plotësisht atë. Sipas tyre, Muçi nuk ka dokumentacion të mjaftueshëm për huatë e marra.
“Për pasurinë 57 m2 blerë në vitin 2006, subjekti ka deklaruar disa hua nga babai dhe xhaxhai. Nga krahasimi i deklaratës së vitit 2006 me deklaratën vetting ka mospërputhje. Po ashtu nuk ka dokumentacion të mjaftueshëm për aftësinë financiare të të afërmve që i kanë huajtur para”, deklaroi Komisioni Publik.
