Zëvendësministri i Brendshëm, Besfort Lamallari, pohoi mbrëmjen e sotme në “Real Story” se nipi i deputetit të PS-së, Rrahman Rrahja, ka qenë në makinën e braktisur nga autorët e atentatit. Kjo sipas zyrtarit të ministrisë, për shkak të provave që janë gjetur në mjet, siç janë gjurmët e gishtërinjve. Pas arrestimit të Redjan Rrajës, i dyshuar për atentatin ndaj prokurorit Arjan Ndoj, Lamallari pohoi se ka prova që e impikojnë këtë person.
Detaje tronditëse/ Lala flet për dy atentatorët e tjerë të prokurorit Ndoja
“Nuk ka asnjë dyshim që personi i arrestuar ka qenë në automjet. Kjo provohet nga gjurmët e gishtave. Ngjarja ndodhi në 1 nëntor. Pra prej 3 ditësh po hetohet për ngjarjen nën kontrollin e prokurorëve të Krimeve të Rënda.
Duke parë bashkimin, kam besim se për 3 ditë apo 3 javë, do të kemi avancim në këtë aspekt. S’duhet të përjashtojmë asnjë pistë. Akuza e parë është ‘vrasja e mbetur në tentativë për shkak të detyrës’, por mund të jenë edhe ndaj personit tjetër.
Kryeministri dhe zv/kryeministri kanë më shumë burime sesa ne. Ka një grup të mirë hetimor, që po merren me këtë rast. Besoj se do të kemi zhvillime pozitive”, tha Lamallari.
I pyetur nëse Ministria e Brendshme ka informacione të rezervuara nëse Pëllumb Muharremi ka kontakte me zyrtarë të lartë, Lamallari tha se çështjet janë nën hetim.
“Do të ishte me shumë interes që dhe ju si gazetar, për çdo informacion që ka, por edhe të personave të lidhur me krimin, duhet të bëni adresime në polici dhe SHÇBA. Nëse ka hetim, duhet ta ndaj me ju?
SHÇBA nëse bën hetim, po bën punën e vetë. Është ndalim për çdo kënd që të zbulojë hetimin. Do doja shumë që të kisha mirëkuptim të çdo gazetari, që të jenë të kujdesshëm. Mos të zbulojmë detaje që të dëmtojnë hetimin”, tha zv/ministri i Brendshëm.
