Ricardo Marques Ferreira, i cili njihej si “berberi i Cristiano Ronaldos” është gjetur i vdekur në një dhomë hoteli në Zvicër.
Viktima, i cili u qëllua për vdekje me thikë, u gjet fillimisht nga pastruesja e një hoteli në lagjen Albisrieden të Zürich. Sakaq, policia ka arrestuar një 39-vjeçar, për të cilin dyshohet se ka kryer krimin. I arrestuari është me kombësi braziliane.
Ka qenë media portugeze “Correio da Manha”, ajo e cila raportoi sot se viktima ka qenë berber i yllit të Juventusit, Cristiano Ronaldo. Nuk dihen ende motivet e kësaj vrasjeje.
