Ministri për Punët e Jashtme, Gent Cakaj lajmëroi se Këshilli i Ministrave ka marrë vendim për hapjen e misionit të Posaçëm të Republikës së Shqipërisë në Ukrainë.
Përmes një postim në rrjetin social “Facebook”, Cakaj u shpreh se synimi i këtij objektivi është përmbushja e një ndër prioriteteve kryesore, që ka të bëjë me situatën përreth Ukrainës.
Ndër të tjera, ministri Cakaj theksoi se ky vendim është shprehje e përkushtimit të Shqipërisë për të qëndruar në lartësinë e detyrës përgjatë Kryesisë së OSBE-së 2020.
“Shqipëria si vend kryesues i OSBE-së e ka me rëndësi madhore të përcjellë, së pari, tek pala ukrainase mesazhin e rëndësisë dhe vëmendjen që i jep adresimit me qëllim zgjidhjen e konfliktit në Ukrainë. Së dyti, tek 56 shtetet anëtare të OSBE-së”, deklaroi Cakaj.
