Kryetari i VMRO-DPMNE-së, Hristijan Mickoski premtoi se partia e tij do ta shndërrojë Maqedoninë e Veriut në një vend ku do të jetohet më mirë.
“Mund të themi se kemi arritur diçka kur nuk do të premtojmë se në mandatin tonë do të ketë 500 euro pagë mesatare dhe do të realizojmë shumë më shumë se 500”, deklaroi Micskoski në fushatën “Bisedime për rindërtimin e Maqedonisë”.
Po ashtu, ai u shpreh se gjatë mandatit të VMRO-DPMNE, ekonomia do të pësojë rritje dhe qytetarët nuk do të turpërohen nga fakti që janë maqedonas.
“Maqedonizmi me ekonomi të fuqishme, Maqedoni tigër ekonomik në Ballkan, gjigant teknologji, Maqedonia me arsim të reformuar, Maqedonia me shëndetësi të reformuar dhe të fuqishme me mjekë të motivuar, Maqedoni ku gjyqësia do të akuzojë dhe gjykatës që do të dënojnë me ligj dhe do të jetë të lirë nga trysnitë politike. Maqedoni ku njerëzit ndjehen maqedonas dhe jo të turpërohen të thonë se janë maqedonas dhe me krenari dhe kokën lartë të deklarohen se janë maqedonas nga Maqedonia që flasin gjuhën maqedonase”, nënvizoi Mickoski.
