Ish-ushtari i UÇK-së Zenel Shala ka bërë me dije se ka pranuar ftesën nga Gjykata Speciale e Kosovës. Shala ka qenë ish-komandant Toge në radhët e UÇK-së. Në një prononcim për portalin drenica press, ai ka thënë se më 05 nëntor 2019, do të paraqitet për intervistë, në Dhomat e Specializuara të Gjykatës Speciale.
Ai tha se “ftesa i është bërë përmes telefonit, ku më është bërë e qartë se me datë 5 Nëntor do të jem në intervistë. Nuk më kanë bërë të qartë, a jam në cilësinë e dëshmitarit apo të dyshuarit”, thotë Shala.
