Valentina i ka dhënë shumë porosi bashkëshortit të saj Eduart Ndocaj, para se ky i fundit të bëhej pjesë e spektaklit “Dance With Me”, në televizionin “Klan”.
I ftuar këtë të shtunë në studion e “Rudina”, së bashku me partneren e tij në kërcim, Kejvina Kthella, ish-deputeti zbuloi se kur kishte marrë ftesën, ai i kishte vënë një kusht regjisores Vera Grabocka.
“E kishim kusht me Vera Grabockën në fakt, që ta bindte nusen ajo. Ia dhashë unë kusht Verës, që nëse e bind; unë vij. Dhe patëm një drekë dhe arriti ta bindi. Porosia e saj ishte: “Shko, por mos provoko”.
“Nuk i kam sjellë pak probleme në fakt. Natën e dytë, duke ngritur atë vajzën (balerinën) mbi sup, këputa pak mish. Nuk arrita të bëj prova dhe ika në Itali, ndenja deri të dielën. I thashë nuses, më fërko. Po tha, të këpusin shpinën vajzat e “Klanit”, e do të të fërkoj unë? Gjithsesi arriti të më shërojë”, tregoi Ndocaj.
