Presidenti Maqedonisë së Veriut, Stevo Pendarovski, u takua sot në Vila Biljana në Ohër me sekretarin amerikan të shtetit Mike Pompeo.
Pendarovski tha se vizita e sekretarit amerikan të shtetit Pompeo bëhet në një periudhë të rëndësishme për vendin dhe është vërtetim i miqësisë mes SHBA-ve dhe Maqedonisë së Veriut, bazuar në vlerat për paqe, liri dhe demokraci, njoftoi Telegrafi në Maqedoni.
“SHBA është partneri ynë strategjik që nga pavarësia jonë, ndërsa mbështetja amerikane ishte kyçe te reformat mbrojtëse dhe transformimi i Armatës sonë, me qëllim që të përmbushen kriteret për anëtarësim në NATO. Përmes programeve për zhvillim, SHBA-të na ndihmuan në përforcimin e institucioneve, sundimit të së drejtës, reformat në gjyqësi, përforcimi të sektorit qytetar dhe mediat”, theksoi Pendarovski.
Pendarovski, siç njoftojnë nga kabineti i tij, falënderoi për përkrahjen e vazhdueshme e SHBA-ve në periudhën kur vendi i zgjidhte çështjet e vështira në stabiliteti si dhe në arritjen e kompromisit për çështjen e emrit.
“Maqedonia e veriut do të vazhdojë me bashkëpunimin e ngushtë me SHBA-të. Mendoj se është e nevojshme mbështetja nga SHBA-të në periudhën e ardhme, në të cilën Maqedonia e Veriut bëhet anëtare e 30-të e NATO-s dhe nis bisedimet për anëtarësim në BE”, tha ai.
