Zbardhen të tjera detaje lidhur me ngjarjen ku mbeti i plagosur një person gjatë të shtënave me armë zjarri pasditen e sotme në Burrel. Raportohet se i plagosur ka mbetur ish-drejtori i Ujësjellësit, Shemsi Shema, 68-vjeç.
I plagosuri është dërguar me urgjencë në spitali, ndërsa mësohet se ndodhet jashtë rrezikut për jetën.
Policia e Burrelit thekson se ngjarja e rëndë ka ndodhur rreth orës 19.30 minuta. Sakaq, grupi hetimor po vijon hetimet për zbardhjen e rrethanave të kësaj ngjarjeje.
