Kryeministri Edi Rama përgjatë fjalës së tij në Organizatën e Kombeve të Bashkuara në New Jork u ndal edhe tek procesi i negociatave.
Rama pohoi se një përgjigje pozitive për Shqipërinë dhe Maqedoninë e Veriut më 18 tetor, do të ishte vendimi më i mençur i BE-së: “Stabiliteti i rajonit mund të garantohet vetëm nga perspektiva evropiane. Dhënia e përgjigjes pozitive për Shqipërinë dhe Maqedoninë e Veriut s’do jetë thjesht shpërblim bazuar në meritën e tyre, por do jetë vendimi më i mençur që BE do të merrte. Ka plane konkrete që do të garantojnë të drejtat e grupeve, rome, LGBT, etj. Gjithashtu, ne kemi bërë një barazi gjinore dhe jam krenar të them që në qeverinë time ka më shumë gra se burra. Në vizitën e tij në Tiranë më 2014-ën, Papa Francesku e këshilloi rininë shqiptare të fluturonte lart e më lart, por të mos harronte folenë. Kjo është një kërkesë realiste, jo vetëm për Shqipërinë, por për gjithë rajonin”.
