Presidenti i Kosovës, Hashim Thaçi, ka zhvilluar një takim me sekretarin e Shtetit të Selisë së Shenjtë, Pietro Parolin, të cilit i ka kërkuar njohjen e shtetit të Kosovës.
Me anë të një deklarate për mediat, bëhet me dije se takimi në fjalë erdhi në kuadër të punimeve të Asamblesë së Përgjithshme të Kombeve të Bashkuara.
Presidenti Thaçi e ka falenderuar për mbështetjen që Selia e Shenjtë i ka dhënë popullit të Kosovës, para, gjatë dhe pas luftës.
“Populli i Kosovës gjithmonë është udhëhequr nga vlerat e Shën Terezës, vlera të tolerancës, paqes dhe bashkëjetesës. Jemi mirënjohës për mbështetjen që Selia e Shenjtë i ka dhënë popullit të Kosovës. Gjithë çfarë ka mbetur është njohja nga Vatikani”, ka deklaruar presidenti Thaçi.
